Fedje kommune søkte om midlar frå fylkeskommunen til eit større omstillingsprogram tidleg i 2010. No har me fått tilsagn på ca 2 millionar kroner som skal nyttast i perioden 2010 og 2011, i tillegg til kommunen sin eigen innsats på 0,7 millionar.

Visjonen for omstillinga er at Fedje kommune skal vere ein kompetansekommune for å tene den maritime industri. Det er tre mål for omstillingsprosjektet:
1) Kunnskapsløft - arbeide for praksisnær, maritim undervisning i grunn- og ungdomsskule, og nærare samarbeid næringsliv/skule.
2) Maritim næring/opplevingsperspektivet - bl.a. arbeide for "virtuelt ferjefritt" Fedje, virtuell historieforteljing knytt til Hellisøy fyr, visningssenter for Fedje si rolle i den maritime krigshistorien, og utvikling av tilbod innan sjømat/kvalsafari
3) Maritimt industrinettverk - etablere maritimt næringsråd for private næringsdrivande på Fedje

For å gjennomføre måla, vil ein gjennomføre ei analyse av den politiske og administrative organiseringa i Fedje kommune. Dette arbeidet er allereie i gong. Formålet er å sjå på korleis ein kan kanalisere fleire ressursar til den viktigste utfordringa Fedjesamfunnet står overfor: Auka nærings- og sysselsetjingsaktivitetar.

Ansvarleg for omstillingsprosjektet er ordføraren. Ho leier ei styringsgruppe som består av formannskapet, to frå næringslivet på Fedje og ein observatør frå fylkeskommunen.